Psa 55 | YON | STEP | Yook ambo bi ye karub yeman. Nongbed wangki yemaniib. Maskil ye yook Dewidbed wongkoon. O God, ne kurikuri weng kee wengambere. Ne kaamoni keyaa wengamberedandaab.

Psalms 55

Yook 55

Yook ambo bi ye karub yeman. Nongbed wangki yemaniib.Maskil ye yook Dewidbed wongkoon.

1 O God, ne kurikuri weng kee wengambere.
Ne kaamoni keyaa wengamberedandaab.
2 Wengamberewekoreb inanduwe.
Ne niindem aom dabab kawoon.
Bondan yi weng wengambereni,
arewa kamidan yi indob nengmoniwen kumbed kirokkarok kere miin yiminban keraan.
Amborom kuu yimbed ne yaa durud yewed kawenib,
arud wanduwe wungkawimaib kowe.
4 Durud yewed kuu ne niindem aom angkeen,
kwane bobnaniin ande uniwon karakwon keraan.
5 Uniyiib kiringmiyiib kamembirimain,
kwane une komyengiib warekandaan.
6 Kowe nembed yedmaan, “O, ne kuu on arud areb burawiib karen
kimyen wanweneni yiidkaan karen.
7 Ne kuu ambab angka kombiri weneni
amboon angka dobaraan karen kui.Selah
8 Ne kuu kirodmo weneni ne nen kukbimaanbon aom aomnaan karen kui,
nuuwa ama darewoob arewa kameen yaa ambab yaambed wanaan karen kui.” andaan.
9 OYariman, Yerusalem aom wedmaan kuu yeremborom ye inameniib arud wandiyiib menebeen kowe,
arewa kamidan kuu ben kerebkarab kerunde.
Kwane yi weng dakmi kuu weng maa maa areb kerunde.
10 Yi kuu aronkiyiib amkiyiib yenbandem ande kuuk angkara yaa dewinimaib,
kwane kuuk aom kuu arud wandembiriyiib damangkandi inameniib angkeen.
11 Siti aom kuu monmari ye inamenbed kwane ambangkimaan,
kwane siti kiwaan ari kuu benkubune dabab kondi ye inameniib dudenabiyiib kumbed ma korondimokban, kwane dewenebimaib.
12 Ne bonmanbed damangkawoon karen, ingkaniyiibban no kwane kandaan karen.
Kwane arud wanduwoonman ne yaa manmo keroon karen, ye yaa biknaan karen.
13 Nangkodmi amun, ne yoom dabokne yari ye karub kui, eb kuu ne areb kumban,
anam kuu ebbed ne yaa manmo keruwewen kii!
14 Anuk kuu eb yoom mene kube dabokne yonendimaub,
kadaareb numun God ye kurikuri ambib yaa yarimaub yaron arimbed kui.
15 Ne bondan kuu kawonwengiibban duknime,
kwane wad kumbed bobkonombon yiri kubunime,
amborom kuu inamen miin arewa kuu yi niindem aom angkeen kowe.
16 Kumban ne kuu God yaa baandaine,
Yarimanbed ne nen burudande angka kowimaan.
17 Amkimo aronkob oobne kwane ne kuu warekiyiib baandaine,
ne weng wengambirimaan.
18 Ne yaa bon kere nangbimaib kuu
yembed ne nen burudande angka kowimaan,
yemoon kuu ne yaa manmo keruwiwen kuned.
19 Andowoon yirimbed wene aron korem oonimaan ye God,
yembed yi weng wengamberendekore durud yewed kondaneen.Selah
Yi kuu yi arewa kami ye inamen yaa ma amonombindo,
kwane yi kuu God yaa ma unindo.
20 Nangkodmi amun kuu anukbed ye yoom yewenubmo dobiriwendan kuu kibikee yenbandimaan,
kwane ye amob weng ongmoon kuu yekareb dookboon.
21 Ye weng kuu dabere windane amun amun dakmimaan kumban,
ye niindem aom kuu ana nangmi ye inameniib angkeen.
Ye weng kuu dabere windane yewenub weng areb dakmimaan kuned,
anam kuu ye weng kuu arud kere ana nangmi ye inamen kerundi ye weng kerimaan.
22 Yiib dabab kuuYariman yaa bangkanibko
yembed yiib ben angkumone awandok.
Yembed yorokmodan kuu domondaane kirobaibban.
23 Kuned, o God, arewa kamidan kuu ebbed ben kubudere
dem kongdem yiri nongkobe.
Kuman yenbandidaniib birandidaniib kuu
yi wad dobiri yaron kuu wedyambed naraneewa duknaniib.
b Kumban ne kuu eb yaambed yone dobaraniin.